გიორგი ვოლსკი გლობალური ადაპტაციის ინიციატივის ანგარიშზე: ეს კვლევა ადასტურებს, რომ ამ გამოწვევების წინაშე, რომელიც მსოფლიოს ახასიათებს, საქართველოს მზაობა არის ძალიან მაღალი და ბევრი ევროკავშირის წევრი ქვეყნის მაჩვენებლებზე უკეთესია
სამწუხაროა, მაგრამ ბოლო პერიოდში ძალიან აქტუალური გახდა ამ მიმდინარე პროცესებში რომელი ქვეყანა რამდენად სტაბილური მდგომარეობით გამოირჩევა, - განაცხადა პარლამენტის ვიცე-სპიკერმა გიორგი ვოლსკიმ გლობალური ადაპტაციის ინიციატივის ანგარიშზე საუბრისას.
მისივე თქმით, საქართველო მოწინავე პოზიციაზე იდგა ევროპული ინსტიტუტის არაერთი მონაცემით.
„რასაკვირველია საქართველო მოწინავე პოზიციაზე იდგა ევროპული ინსტიტუტის არაერთი მონაცემით და ეს კვლევაც ადასტურებს, რომ ამ გამოწვევების წინაშე, რომელიც მსოფლიოს ახასიათებს, საქართველოს მზაობა არის ძალიან მაღალი და ბევრი ევროკავშირის წევრი ქვეყნის მაჩვენებლებზე უკეთესია“, - აღნიშნა გიორგი ვოლსკიმ.
გლობალური გამოწვევებისადმი ეკონომიკური მზაობით საქართველო მსოფლიოს საუკეთესო ოთხეულშია, ევროპაში კი მე-2 ადგილზე დაწინაურდა.
იმედი
წყარო: imedinews.ge