გიორგი ვოლსკი კანდელაკის კვლევაზე: ეს არის პირდაპირ მოღალატეობრივი საქმიანობა - ორგანიზებული, დაფინანსებული და პოლიტიკურად მხარდაჭერილი

მორიგი ანტიქართული განცხადება და დაფინანსებული კამპანია, რომლითაც ცდილობენ საქართველოს ზიანი მიაყენონ, - ასე აფასებს ქართული ოცნება, ოპოზიციონერ გიორგი კანდელაკის „კვლევაზე“ დაყრდნობით, გამოცემულ სტატიას სადაც ამერიკული მედიასაშუალება საქართველოს ტერორისტული ოპერაციების ცენტრად მოიხსენიებს და წერს, რომ თბილისი ირანელთა რეკრუტირების და ტერორისტული ოპერაციების ნაყოფიერ ნიადაგად იქცა“. კომენტარი თემაზე პარლამენტის პირველმა ვიცე-სპიკერმა, გიორგი ვოლსკიმ გააკეთა.

„ის, რომ საქართველოში კამპუსებია და აქ ტერორისტები მზადდებიან, რასაკვირველია მოგონილი თემაა, მხოლოდ იმისთვის, რომ დაიწეროს ზუსტად ისეთი სტატია, რომელიც ცნობილი ჯო უილსონის კარნახით არის ჩამოყალიბებული. ეს სტრატეგია გრძელდება. ადრე ჩინეთი იყო დღის წესრიგში, ახლა ირანია დღის წესრიგში. ეს არის პირდაპირ მოღალატეობრივი საქმიანობა - ორგანიზებული, დაფინანსებული და პოლიტიკურად მხარდაჭერილი“, - მიიჩნევს ვოსლკი.