გიორგი ვოლსკი: სხვადასხვა ქვეყნის საზოგადოებები არ არიან პოზიტიურად განწყობილნი იმ ევრობიუროკრატების მიმართ, რომლებიც მათ მიერ არ არიან არჩეული - უკმაყოფილება იზრდება და ეს უკვე არჩევნებიდანაც ჩანს. მათ შორის, ევროპარლამენტშიც უფრო ხშირად გაისმის საქართველოს სასარგებლო განცხადებები
სხვადასხვა ქვეყნის საზოგადოებები არ არიან პოზიტიურად განწყობილნი იმ ევრობიუროკრატების მიმართ, რომლებიც მათ მიერ არ არიან არჩეული, - განაცხადა გადაცემაში „EURO ანატომია“ პარლამენტის პირველმა ვიცე-სპიკერმა, გიორგი ვოლსკიმ ევრობიუროკრატებზე საუბრისას.
მან ასევე აღნიშნა, რომ საქართველოს სასარგებლო განცხადებები ევროპარლამენტშიც უფრო ხშირად გაისმის.
„შიგნით, თავის სამზარეულოში აირჩიეს გარკვეული მიმართულებების ხელმძღვანელები, რომლებსაც არც ერთი ნაბიჯი იმისკენ არ გადაუდგამთ, რომ ევროპაში ვითარება გამოსწორდეს, ყოველ შემთხვევაში, ეკონომიკური პრობლემების ტენდენცია შეჩერდეს მაინც. აქედან გამომდინარე, უკმაყოფილება იზრდება და ეს უკვე არჩევნებიდანაც ჩანს.
მათ შორის, ევროპარლამენტშიც უფრო ხშირად გაისმის საქართველოს სასარგებლო განცხადებები, მაგრამ მხოლოდ საქართველო არ არის სამიზნე. სამიზნეა მოლდოვაც, მაგრამ მოლდოვაში წინ გადადგეს ნაბიჯი [ევრობიუროკრატებმა] და ჰყავთ ისეთი ხელისუფლება, რომელსაც უბრძანებენ და გააკეთებს ისე, როგორც მათ უნდათ. თუმცა, შეტევის სამიზნედ მოლდოვა რჩება - მოლდოვამ ვერ უნდა გაბედოს ხელისუფლების შეცვლა, ხოლო საქართველოში ხელისუფლება უნდა შეიცვალოს და ხელისუფლებამ ვერ უნდა გაბედოს რაიმე წინააღმდეგობის გაწევა ექსტრემიზმისათვის, რომელსაც ახალისებენ და აფინანსებენ“, - განაცხადა ვოლსკიმ.
იმედი
წყარო: imedinews.ge