გლდანის რაიონში ბმა-ს პროგრამით 41 პროექტი განხორციელდა
იმედი|imedinews.ge
გლდანის რაიონის გამგეობამ მიმდინარე წელს, „ბინათმესაკუთრეთა ამხანაგობების განვითარების ხელშეწყობის პროგრამის“ ფარგლებში, სხვადასხვა სახის ინფრასტრუქტურული სამუშაოები 41 მისამართზე დაასრულა.
კერძოდ, 31 მისამართზე ლიფტის სრული რეაბილიტაცია განხორციელდა, სახურავები განახლდა 5 მისამართზე, ასევე 5 მისამართზე მოწესრიგდა წყალარინების ქსელი. აღნიშნული სამუშაოებისთვის ადგილობრივი ბიუჯეტიდან 1 643 500 ლარი დაიხარჯა.
ამასთანავე, გრძელდება სარეაბილიტაციო პროექტები. ამ დროისთვის, სამუშაოები 26 მისამართზე ხორციელდება. ერთ-ერთ მიმდინარე პროექტს მუხიანის მესამე მიკრორაიონში რაიონის გამგებელი ბესიკ კალაძე, საკრებულოს მაჟორიტარ დეპუტატ ცოტნე ჩიქვინიძესთან ერთად, გაეცნო.
გაზიარება:
იმედი
წყარო: imedinews.ge