გურამ მაჭარაშვილი: ორი-სამი თვის წინ უკრაინაში მათი ეკლესიის მეთაურის დაკრძალვაზე იყო სამასიოდე ადამიანი და იგივე უკრაინაში, გეი აღლუმზე იყო 5 ათასამდე ადამიანი. აი ეს მოცემულობა უნდოდათ საქართველოში რაც, რა თქმა უნდა, არ მოხდებოდა

„ორი-სამი თვის წინ უკრაინაში მათი ეკლესიის მეთაურის დაკრძალვაზე იყო სამასიოდე ადამიანი და იგივე უკრაინაში, გეი აღლუმზე იყო 5 ათასამდე ადამიანი. აი ეს მოცემულობა უნდოდათ საქართველოში რაც, რა თქმა უნდა, არ მოხდებოდა“, - განუცხადა „ქრონიკას“ „ხალხის ძალის“ აღმასრულებელმა მდივანმა გურამ მაჭარაშვილმა.

აღნიშნული განცხადებით იგი გამოეხმაურა ანდრია ჯაღმაიძესთან „იმედის კვირის“ ექსკლუზიურ ინტერვიუს, სადაც დეკანოზმა თქვა, რომ ეკლესიას ევროპიდან ლგბტ პროპაგანდაში დახმარებას სთხოვდნენ.

„მტკიცებულებაა იმის, რასაც ჩვენ ვამბობდით განსაკუთრებით ბოლო წლებში, როდესაც ვსაუბრობდით შეტევაზე ევრობიუროკრატიიდან აქ, საქართველოში ერთნაირსქესიანთა ქორწინების დაკანონებასთან დაკავშირებით.

ორი-სამი თვის წინ უკრაინაში მათი ეკლესიის მეთაურის დაკრძალვაზე იყო სამასიოდე ადამიანი და იგივე უკრაინაში, გეი აღლუმზე იყო 5 ათასამდე ადამიანი. აი ეს მოცემულობა უნდოდათ საქართველოში რაც, რა თქმა უნდა, არ მოხდებოდა. ასევე, იმ ვაი, ვითომ ევროპელებს მინდა მივმართო, ვინც ამბობს, რომ ჩვენი წინაპრების არჩევანია ევროპა, ჩვენი წინაპრების და მათ შორის, სულხან-საბა ორბელიანის არჩევანი ნამდვილად არ იქნებოდა [კირ]სტარმერის განცხადება, რომელიც ამაყობს, რომ ყველაზე მაგარი გეი პარლამენტი ჰყავს“, - აღნიშნა მაჭარაშვილმა.

დეკანოზი ანდრია ჯაღმაიძე 2023 წელს საპატრიარქოში გამართულ შეხვედრაზე: ქალბატონი ჰაჯა ლაბიბი მობრძანდა საპატრიარქოში და გაუგონარი რამ გვთხოვა, თქვა, რომ საპატრიარქოს აქვს საკმაოდ დიდი გავლენები საზოგადოებაში, რომ ქართული საზოგადოება 21-ე საუკუნის ტენდენციებს ძალიან ჩამორჩა, მისთვის მიუღებელია ერთნაირსქესიანთა ქორწინებები და ჩვენ გვთხოვა, რომ უნდა დავხმარებოდით ამის პოპულარიზაციაში კირ სტარმერი: ძალიან ვამაყობ, რომ ყველაზე გეი პარლამენტი გვყავს