გურამ მაჭარაშვილი: როდესაც საჯაროდ გამოდიხარ და ეუბნები საზოგადოებას, წავიდეთ პრეზიდენტის სასახლესთან, შევიჭრათ, დავამხოთ, ეს უკვე არის საჯარო მტკიცებულება - არ მგონია, ვინმეს გაჰკვირვებოდა, რა განაჩენიც დადგა ამ ადამიანების მიმართ

„ხალხის ძალის“ აღმასრულებელი მდივანი გურამ მაჭარაშვილი 4 ოქტომბრის საქმეზე ბრალდებულებისთვის გამოტანილ განაჩენს აფასებს.

„იმ შემთხვევაში, როდესაც საჯაროდ გამოდიხარ და ეუბნები საზოგადოებას, წავიდეთ პრეზიდენტის სასახლესთან, შევიჭრათ, დავამხოთ, ეს უკვე არის საჯარო მტკიცებულება. შესაბამისად, არ მგონია, ვინმეს გაჰკვირვებოდა, რა განაჩენიც დადგა ამ ადამიანების მიმართ“, - განაცხადა მაჭარაშვილმა.

სასამართლომ 4 ოქტომბრის საქმეზე ბრალდებულებს - პაატა ბურჭულაძეს, მურთაზ ზოდელავას, ირაკლი ნადირაძესა და პაატა მანჯგალაძეს შვიდ-შვიდი წლით პატიმრობა მიუსაჯა.