ჰეგსეტის შეფასებით, ირანის ომის დანახარჯმა 37.5 მილიარდ დოლარს მიაღწია

აშშ-ის თავდაცვის მდივნის, პიტ ჰეგსეტის შეფასებით, ირანის ომის უახლესმა დანახარჯმა 37.5 მილიარდ დოლარს მიაღწია - ეს თითქმის 9 მილიარდით მეტია იმ ციფრებზე, რომლებსაც თავდაცვის დეპარტამენტი მანამდე ასახელებდა.

სენატის ასიგნებების კომიტეტში სამშაბათს გამართულ მოსმენაზე ჰეგსეტმა განაცხადა, რომ ეს შეფასება მოიცავს კონკრეტულ ხარჯებს 28 თებერვალს ომის დაწყებიდან დღემდე, ისევე როგორც სექტემბრის დასაწყისამდე პროგნოზირებულ სხვა დანახარჯებს.

მისივე თქმით, თანხაში შედის როგორც გარკვეული ოპერაციული და ტექნიკური უზრუნველყოფის ხარჯები, ასევე სამხედრო მოსამსახურეთა ანაზღაურება.

თვეების განმავლობაში, როგორც „რესპუბლიკელი“, ისე „დემოკრატი“ კანონმდებლები ჰეგსეტისგან ომის შესახებ მეტი ინფორმაციის მიწოდებას ითხოვდნენ, მათ შორის მისი დანახარჯებისა და სტრატეგიის თაობაზე.