იან პრაუდი: განცვიფრებული ვარ რომ ბრიტანეთის ხელისუფლებამ „იმედისთვის“ სანქციების დაწესება გადაწყვიტა, ამ გადაწყვეტილებას არავითარი გამართლება არ აქვს. თუ ვინმე გატარებული პოლიტიკის შესახებ კითხვებს დასვამს, კრიტიკის ობიექტია, პრორუსის იარლიყს აწებებენ, რაც წარმოუდგენელი სისულელეა

ტელეკომპანია „იმედი“ არის უდიდესი, დამოუკიდებელი მაუწყებელი საქართველოში, ის კერძო საკუთრებაა, ყოველთვის ასე იყო. ტელეკომპანია „იმედს“ აქვს გასართობი გადაცემები და დიდი საინფორმაციო სამსახურიც. ტელეკომპანიის მთავარი მიზანია ქართველებისთვის იმედის მიცემა, სახელწოდებაც შესაბამისია, - განაცხადა გადაცემაში „იმედის კვირა“ ბრიტანელმა დიპლომატმა, გლობალური კრიზისების მართვის ექსპერტმა იან პრაუდმა.

მისივე თქმით, ტელეკომპანია „იმედისთვის“ დეზინფორმაციის დაბრალება წარმოუდგენელია.

„განცვიფრებული ვარ, რომ ბრიტანეთის ხელისუფლებამ „იმედისთვის“ სანქციების დაწესება გადაწყვიტა, ამ გადაწყვეტილებას არავითარი გამართლება არ აქვს. თუ ვინმე გატარებული პოლიტიკის შესახებ კითხვებს დასვამს, კრიტიკის ობიექტია, პრორუსის იარლიყს აწებებენ, რაც წარმოუდგენელი სისულელეა.

ბრიტანეთში ცოტა ხნის წინ ჩატარებული თვითმმართველობის არჩევნების შედეგებმა აჩვენა, რომ ბრიტანელებს, ისევე როგორც სხვა ევროპელებს ურჩევნიათ რომ მათმა ხელისუფლებამ შიდა სახელმწიფოებრივ გამოწვევებს დაუთმოს ყურადღება. ბოლო 12 წელიწადია კი ეს მოცემულობა ევროპელ ლიდერებს ავიწყდებათ“, - აღნიშნა იან პრაუდმა.