იოჰან ვადეპული: გერმანია თურქეთის ევროკავშირში გაწევრებას მხარს დაუჭერს და ევროინტეგრაციის გზაზე ანკარის სანდრო პარტნიორი იქნება

გერმანია თურქეთის ევროკავშირში გაწევრებას მხარს დაუჭერს და ევროინტეგრაციის გზაზე ანკარის სანდრო პარტნიორი იქნება, - განაცხადა გერმანიის საგარეო საქმეთა მინისტრმა, იოჰან ვადეპულმა თურქეთის საგარეო საქმეთა მინისტრ, ჰაკან ფიდანთან შეხვედრაზე.

ვადეპულმა დასძინა, რომ ყველა კანდიდატი ქვეყნისთვის სრული წევრობა დამოკიდებულია მათი მხრიდან ბლოკის პოლიტიკური და ეკონომიკური კრიტერიუმების დაკმაყოფილების პროგრესზე.

„გერმანიის მთავრობის პერსპექტივიდან გამომდინარე, სასურველია თურქეთსა და ევროკავშირს შორის სტრატეგიული ურთიერთობების გაფართოება გავაგრძელოთ. განსაკუთრებით, იმ სფეროებში, სადაც საერთო ინტერესებს ვიცავთ. ჩვენ მხარს ვუჭერთ თურქეთის, როგორც ნატოს მნიშვნელოვანი მოკავშირისა და ევროკავშირის მთავარი სავაჭრო პარტნიორის სრულად გათვალისწინებას ევროკავშირის მიერ თავდაცვის პოლიტიკის, ასევე სამრეწველო პოლიტიკის ინსტრუმენტების შემუშავებისას“, - განაცხადა გერმანიის საგარეო საქმეთა მინისტრმა.