ირაკლი ჭეიშვილი: აქ არ არის სპონტანური წამოძახილები, რეპლიკები, ეს არის თავიდან ბოლომდე დაგეგმილი პროცესი, ერთი დიდი ჯაჭვის ნაწილია, რომ ყველაფერი წმინდა, რაც არის საქართველოში, ფეხ ქვეშ გაითელოს

აქ არ არის სპონტანური წამოძახილები, რეპლიკები, ეს არის თავიდან ბოლომდე დაგეგმილი პროცესი, ერთი დიდი ჯაჭვის ნაწილია, რომ ყველაფერი წმინდა, რაც არის საქართველოში, ფეხ ქვეშ გაითელოს, - განუცხადა ჟურნალისტებს საპარლამენტო უმრავლესობის წევრმა, ირაკლი ჭეიშვილმა.

დეპუტატი იუმორისტ ონისე ოქრიაშვილზე ძალადობის ფაქტს გამოეხმაურა.

„ნებისმიერი სიწმინდე, რაც არსებობს, სასულიერო პირებიდან დაწყებული, ეპარქია, რამე ღირებული თუ გაგვაჩნია ქვეყანაში, აბსოლუტურად ყველაფერს შეურაცხყოფენ. ეს არის მიზანმიმართული და დაგეგმილი, მაგრამ მე არ ვამართლებ იმას, რაც ქუჩაში მოხდა, არ ვფიქრობ, რომ ასე უნდა გაუსწორდნენ ადამიანებს. აქ არ არის სპონტანური წამოძახილები, რეპლიკები, ეს არის თავიდან ბოლომდე დაგეგმილი პროცესი, ერთი დიდი ჯაჭვის ნაწილია, რომ ყველაფერი წმინდა, რაც არის საქართველოში, ფეხ ქვეშ გაითელოს“, - აღნიშნა ჭეიშვილმა.

ოპოზიციის აქტივისტ ონისე ოქრიაშვილს, რომელიც ერთ-ერთ პოდკასტში მწერალ ნოდარ დუმბაძის მისამართით სიძულვილის ენას იყენებს, ფიზიკურად გაუსწორდნენ.

ონისე ოქრიაშვილზე ძალადობის ბრალდებით, ერთი ადამიანია დაკავებული. ნიკო ხურცილავა საგამოძიებო უწყებაში თავად გამოცხადდა. მას ბრალს, სავარაუდოდ, დღეს წარუდგენენ.