ირაკლი ხელაძე: არ მაქვს იმის მოლოდინი, რომ დღეს ევროკავშირის ელჩი გამოვა და იტყვის, რომ თურმე, ძალადობრივი დამხობის ორგანიზების ფაქტი მართლაც ყოფილა. მასში კონკრეტული პირები მონაწილეობენ და ამას დაგმობენ

დღეს, როდესაც განაჩენია დამდგარი და არსებობს სასამართლოს გადაწყვეტილება, მათი მხრიდან არის ის რაღაც მოჩვენებითი სიჩუმე, არ იბერტყავენ ყურებს, არ უნდათ, რომ ამაზე სიმართლეს თვალები გაუსწორონ და აღიარონ ის, რის წახალისებასაც თავად ახდენდნენ, - განაცხადა გადაცემაში „დღის ქრონიკა“ საპარლამენტო უმრავლესობის წევრმა, საფინანსო-საბიუჯეტო კომიტეტის თავმჯდომარის პირველმა მოადგილემ, ირაკლი ხელაძემ 4 ოქტომბრის საქმეზე საუბრისას.

მისივე თქმით, ევროკავშირის წარმომდგენლების მხრიდან აღნიშნულთან დაკავშირებით დღემდე მოჩვენებითი სიჩუმეა.

„დღემდე ევროკავშირის არც ერთ წარმომადგენელს, რომელიც მუდმივად თავს ესხმის საქართველოს, არ დაუგმია ძალადობის ფაქტი. დღეს, როდესაც განაჩენია დამდგარი და არსებობს სასამართლოს გადაწყვეტილება, მათი მხრიდან არის ის რაღაც მოჩვენებითი სიჩუმე, არ იბერტაყვენ ყურებს, არ უნდათ, რომ ამაზე სიმართლეს თვალები გაუსწორონ და აღიარონ ის, რის წახალისებასაც თავად ახდენდნენ.

გვახსოვს, არაერთი პირი, პირდაპირ თუ ირიბად მოუწოდებდა ხალხს, რომ იმ ძალადობრივი დამხობის აქციაში მიეღოთ მონაწილეობა. ამ ყველაფრის გათვალისწინებით, რაც ხდებოდა, რასაც ვუყურეთ ჩვენ ჩვენთან მიმართებაში, როგორ შეიძლება, ახლა ადამიანს ჰქონდეს წარმოდგენა, რომ რაღაც მათი მხრიდან შეიცვლება?!“, - განაცხადა ხელაძემ.

მისივე თქმით, მას არ აქვს იმის მოლოდინი, რომ დღეს ევროკავშირის ელჩი გამოვა და იტყვის, რომ თურმე, ძალადობრივი დამხობის ორგანიზების ფაქტი მართლაც ყოფილა. მასში კონკრეტული პირები მონაწილეობენ და ამას დაგმობენ.

„მათი ტენდენციურობა და მიკერძოებულობა სწორედ ამაში გამოიხატება. მათ არ აინტერესებთ, რა ფორმით, როგორ ცდილობენ, აქ მყოფი მათი აგენტურული ქსელის წარმომადგენლები ხელისუფლებასთან დაპირისპირებაში მოსვლას. მათ აქვთ ერთადერთი მიზანი, ასეთ ადამიანებს ხელი შეუწყონ და თავიანთი განცხადებებით, ძალადობრივი ქმედებების წახალისება მოახდინონ“, - აღნიშნა ხელაძემ.

სასამართლომ 4 ოქტომბრის საქმეზე ბრალდებულებს - პაატა ბურჭულაძეს, მურთაზ ზოდელავას, ირაკლი ნადირაძესა და პაატა მანჯგალაძეს შვიდ-შვიდი წლით პატიმრობა მიუსაჯა.