ირაკლი კირცხალია 2011 წლის 26 მაისის დარბევაზე: განსაკუთრებით მტკივნეულია დღევანდელ დღეს, როდესაც ვიხსენებთ სისხლიან ღამეს, რომლის მომსწრეც გახდა მთელი ჩვენი საზოგადოება
იმედი|imedinews.ge
განსაკუთრებით მტკივნეულია დღევანდელ დღეს, როდესაც ვიხსენებთ სისხლიან ღამეს, რომლის მომსწრეც გახდა მთელი ჩვენი საზოგადოება, - განაცხადა 2011 წლის 26 მაისი დარბევის შესახებ საუბრისას საპარლამენტო უმრავლესობის ლიდერმა ირაკლი კირცხალიამ.
მან აღნიშნა, რომ იმდროინდელმა ხელისუფლებამ ორი მოკლული ადამიანიდან რამდენიმე მეტრში აღლუმი ჩაიბარა.
„ისინი წარმოადგენენ იმ ხელისუფლების, იმ დედაპარტიის სახეს, რომელსაც „ნაციონალური მოძრაობა“ ჰქვია. ჩვენმა საზოგადოებამ ძალიან კარგად იცის, ეს ხალხი იყო შემოქმედი და ვინც დღეს მათ ე.წ. პოლიტიკურ და რეალურად აგენტურულ რიგებში დგას, იყო მინიმუმ, გულშემატკივარი იმ რეჟიმისა, რომელმაც ორი მოკლული ადამიანის გვერდით, რამდენიმე მეტრში ჩაიბარა აღლუმი“, - განაცხადა კირცხალიამ.
გაზიარება:
IM
იმედი
წყარო: imedinews.ge