ირაკლი კირცხალია: განვიხილეთ ეკონომიკური მონაცემები, რომელიც ტრადიციულად, საბედნიეროდ, ჩვენი პოლიტიკიდან გამომდინარე, წლიდან წლამდე მზარდია. თუნდაც, ეს კვარტალი რომ განვიხილოთ, ეკონომიკური ზრდა უკვე წინა წელზე მეტია

განვიხილეთ ეკონომიკური მონაცემები, რომელიც ტრადიციულად, საბედნიეროდ, ჩვენი პოლიტიკიდან გამომდინარე, წლიდან წლამდე მზარდია. თუნდაც, ეს კვარტალი რომ განვიხილოთ, ეკონომიკური ზრდა უკვე წინა წელზე მეტია, - განაცხადა საპარლამენტო უმრავლესობის ლიდერმა, ფრაქცია „ქართული ოცნების“ თავმჯდომარემ, ირაკლი კირცხალიამ უმრავლესობის სხდომის დასრულების შემდეგ გამართულ ბრიფინგზე.

მან ფასების შემსწავლელ საპარლამენტო კომისიის მუშაობის შედეგებზე გაამახვილა ყურადღება.

„განვიხილეთ ეკონომიკური მიმართულებები, რაზეც ძირითადად ისაუბრა პრემიერ-მინისტრმა, ბატონმა ირაკლი კობახიძემ. მოგეხსენებათ, ფასების შემსწავლელმა საპარლამენტო კომისიამ დაასრულა მუშაობა. საზოგადოება აღნიშნულ დასკვნას გაეცნო, იმ რეკომენდაციებს, რომელიც გაწეული იყო აღმასრულებელი ხელისუფლების მიმართ. პრემიერ-მინისტრმა საკმაოდ დეტალურად ისაუბრა იმ გეგმების შესახებ, თუ რა იგეგმება ამ მიმართულებით აღმასრულებელ რგოლში როგორც მოკლევადიან, ასევე გრძელვადიან პერიოდში. ასევე, ზოგადად, რა მიგნებები ჰქონდა აღმასრულებელი კუთხითაც. იცით, აღმასრულებელი ხელისუფლება პარალელურად, ასევე მუშაობდა ფასების კომისიის კუთხით. ასე, რომ განვიხილეთ ეს საკითხები.

განვიხილეთ ის ეკონომიკური მონაცემები, რომელიც ტრადიციულად, საბედნიეროდ, ჩვენი პოლიტიკიდან გამომდინარე, წლიდან წლამდე მზრდადია. თუნდაც, ეს კვარტალი რომ განვიხილოთ, წინა წელზე მეტია უკვე ეკონომიკური ზრდა და ამ მაჩვენებელს აუცილებლად მოგახსენებთ, როგორც ეს ქვეყნდება-ხოლმე“, - აღნიშნა კირცხალიამ.