ირაკლი მელაშვილი: ძალიან კარგად მესმის, რომ ხელისუფლებაში რომ ხარ, რომ გლანძღავენ, სასიამოვნო არ არის, მაგრამ ხელისუფლებისა და მიტინგზე მდგომი ადამიანების პასუხისმგებლობა არის ჯერადობით განსხვავებული

მადლობა მინდა, ვუთხრა ჩემს ოპონენტებს დღევანდელი საუბრისათვის, - განაცხადა პოლიტიკის ანალიტიკოსმა ირაკლი მელაშვილმა გადაცემაში „ღია ეთერი - დებატები“.

მელაშვილმა აღნიშნა, რომ სიძულვილის ენის გაქრობა, ხელისუფლების პასუხისმგებლობაა.

„მე ჩემი გამოცდილებიდან მინდა, ერთი რამე გითხრათ, თუ მართლა გინდათ, რომ პოლარიზაცია შემცირდეს და სიძულვილის ენა გაქრეს, პირველი რაც ხელისუფლებას მხრიდან არის გასაკეთებელი, უმალ უნდა გაანებოს თავი საზოგადოების დაყოფას „ჩემიანებად“ და „მტრებად“.

მე ძალიან კარგად მესმის, რომ ხელისუფლებაში რომ ხარ, რომ გლანძღავენ, სასიამოვნო არ არის, მაგრამ პასუხისმგებლობა ხელისუფლებისა და მიტინგზე მდგომი ადამიანების არის ჯერადობით განსხვავებული. ხელისუფლებამ თავი უნდა გაანებოს ყველა განსხვავებულისთვის „აგენტის“ ძახილს.

2004 წელს, 15-მა კაცმა მივმართეთ სააკაშვილს და ვუთხარით, რომ ის სიძულვილის ენას ამკვიდრებდა ქვეყანაში და შეეჩერებინა ეს პროცესი. მაშინ იმ ხელისუფლებიდან, ეს არავინ დაიჯერა, ეს ჩვეულებრივი ამბავი იყო მაშინაც, რა მოიგო იმ ხელისუფლებამ?! ვერაფერი! ვერც თქვენ ვერაფერს მოიგებთ თუ ეს [იძულვილის ენა] არ გააჩერეთ!“, - აღნიშნა ირაკლი მელაშვილმა.