აშშ-ის ცენტრალური სარდლობა ჰორმუზის სრუტეში ირანული დრონების ჩამოგდების შესახებ იუწყება
იმედი|imedinews.ge
აშშ-ის შეიარაღებული ძალების ცენტრალური სარდლობა (CENTCOM) ჰორმუზის სრუტეში 2 ირანული კამიკაძე-დრონის ჩამოგდების შესახებ იუწყება. შესაბამისი განცხადება უწყებამ სოციალურ ქსელში გაავრცელა.
„დღეს ახლო აღმოსავლეთში მყოფმა ამერიკულმა ძალებმა ჩამოაგდეს ირანული წარმოების ორი მოიერიშე უპილოტო საფრენი აპარატი, რომლებიც საფრთხეს უქმნიდნენ საერთაშორისო საზღვაო ნავიგაციას ჰორმუზის სრუტეში. ამერიკული ძალები კვლავაც საბრძოლო მზადყოფნაში იმყოფებიან და მზად არიან, გააგრძელონ თავდაცვა ირანული აგრესიისგან“, - აღნიშნულია განცხადებაში.
მანამდე ამერიკელმა სამხედროებმა ჰორმუზის სრუტეში 4 ირანული დრონი ჩამოაგდეს და ირანის სანაპირო რადარებზე საპასუხო დარტყმები განახორციელეს.
გაზიარება:
იმედი
წყარო: imedinews.ge