ირანის პარლამენტის თავმჯდომარე: ამერიკას ჯერ კიდევ ვერ გაუგია, რომ დაშინება და პირობის დარღვევა უკვე პასუხგაუცემელი აღარ დარჩება

ირანის პარლამენტის თავმჯდომარე მოჰამად ბაღერ ღალიბაფი სოციალურ ქსელ X-ში აშშ-თან ბოლო დღეებში არსებულ სამხედრო ესკალაციას გამოეხმაურა და აღნიშნა, რომ ამერიკას ჯერ კიდევ ვერ გაუგია, რომ დაშინება და პირობის დარღვევა უკვე პასუხგაუცემელი აღარ დარჩება.

როგორც ისლამური რესპუბლიკის პარლამენტის სპიკერმა აღნიშნა, ჰორმუზის სრუტე მხოლოდ „ირანული პირობებით“ გაიხსნება და არა ამერიკული მუქარების შედეგად.

„ამერიკას ჯერ კიდევ ვერ გაუგია, რომ დაშინება და პირობის დარღვევა უკვე პასუხგაუცემელი აღარ დარჩება. პირდაპირ ვიტყვი: თუ დაგვარტყამთ, საპასუხო დარტყმას მიიღებთ. ნუ ფართხალებთ უაზროდ, რადგან ასე კიდევ უფრო ღრმად ჩაიძირებით: ჰორმუზის სრუტე მხოლოდ „ირანული პირობებით“ გაიხსნება და არა ამერიკული მუქარების შედეგად“, - დაწერა ღალიბაფმა.

آمریکا هنوز یاد نگرفته است که زورگویی و بدعهدی دیگر بی‌هزینه نیست. شفاف بگویم: بزنید، می‌خورید. دست و پای بیهوده نزنید که بیشتر فرو خواهید رفت: تنگه هرمز، فقط با «ترتیبات ایرانی» باز می‌شود نه با تهدیدات آمریکایی. — محمدباقر قالیباف | MB Ghalibaf (@mb_ghalibaf) July 9, 2026