ირანის პრეზიდენტი: საბოლოო შეთანხმება ჯერ მიღწეული არ არის

ირანის პრეზიდენტმა, მასუდ პეზეშკიანმა განაცხადა, რომ ომის დასრულების თაობაზე საბოლოო შეთანხმება ჯერ მიღწეული არ არის.

აღნიშნული განცხადება მან მას შემდეგ გააკეთა, რაც აშშ-ის პრეზიდენტმა, დონალდ ტრამპმა ორ ქვეყანას შორის ურთიერთგაგების მემორანდუმი საზეიმოდ აღნიშნა.

„ის, რაზეც ამ ეტაპზე შევთანხმდით, მხოლოდ მნიშვნელოვანი ნაბიჯია ომის შეწყვეტისა და მოლაპარაკებების დაწყებისკენ“, - აღნიშნა ირანის ლიდერმა.

პეზეშკიანის თქმით, მიუხედავად დროებითი შეთანხმებისა, თეირანი „ყველა შესაძლო სცენარისთვისაა მზად“.

მან ხაზგასმით აღნიშნა, რომ ირანმა ისტორიულად ისწავლა „არასოდეს დაემორჩილოს დამცირებას“.