ირანის საგარეო საქმეთა მინისტრი: ბირთვულ საკითხსა და სანქციების გაუქმებასთან დაკავშირებით გადაწყვეტილება ჯერ მიღებული არ არის

ირანის საგარეო საქმეთა მინისტრის განცხადებით, ბირთვულ საკითხსა და სანქციების გაუქმებასთან დაკავშირებით გადაწყვეტილება ჯერ მიღებული არ არის.

„გამდიდრებისა და გამდიდრებული მასალების მარაგების საკითხი საბოლოო შეთანხმებაში განისაზღვრება“, - განუცხადა არაღჩიმ ირანულ მედიას.

მან დასძინა, რომ თეირანის პოზიცია ყოველთვის იყო ის, რომ ქვეყნის გამდიდრებული ურანის გაზავების ერთადერთი გზა ამის ირანშივე გაკეთებაა. „ჩვენ ვცდილობთ ხაზი გავუსვათ, რომ [გამდიდრებული მასალების] საკითხის გადაჭრა სწორედ ამ მიმართულებით მოხდება“, - თქვა მან.

საგარეო საქმეთა მინისტრმა ასევე აღნიშნა, რომ ირანის ეროვნული უშიშროების უმაღლესი საბჭო „მოლაპარაკებებს სრულად აკონტროლებს“.

„ეროვნული უშიშროების უმაღლესი საბჭოს წევრებს შორის ტექსტთან დაკავშირებით არსებობენ როგორც მომხრეები, ისე მოწინააღმდეგეები, თუმცა, საბოლოო ჯამში, გადაწყვეტილება კოლექტიურად იქნება მიღებული. გადაწყვეტილების მიღების შემდეგ კი ის საჯაროდ გამოცხადდება“, - განაცხადა მან.