ირანმა საფრანგეთი და დიდი ბრიტანეთი გააფრთხილა, ჰორმუზის სრუტესთან სამხედრო ძალების განლაგებისგან თავი შეიკავონ

ირანის საგარეო საქმეთა მინისტრის მოადგილემ ქაზემ ღარიბაბადიმ სოციალურ ქსელ X-ში დაწერა, რომ ჰორმუზის სრუტის უსაფრთხოებაზე პასუხისმგებელია ისლამური რესპუბლიკა.

მან აგრეთვე საფრანგეთი და დიდი ბრიტანეთი გააფრთხილა, ჰორმუზის სრუტესთან სამხედრო ძალების განლაგებისგან თავი შეიკავონ.

“ჰორმუზის სრუტე არ არის არარეგიონული ძალების სამხედრო დემონსტრაციის ადგილი. ირანი, როგორც პასუხისმგებელი ძალა და ამ სრუტის უსაფრთხოების გარანტი აფრთხილებს ყველას, თავი შეიკავონ ნებისმიერი სამხედრო გადაადგილებისგან აღნიშნულ წყლებში. ჰორმუზის უსაფრთხოება ეკისრება მის სანაპიროზე განლაგებულ სახელმწიფოებს; კრიზისის შემქმნელები პასუხს აგებენ თავიანთი ავანტიურისტული ქმედებების შედეგებზე. ეს არის სერიოზული გაფრთხილება”, - დაწერა ღარიბაბადიმ.

ცნობისთვის, დღეს საფრანგეთმა და გაერთიანებულმა სამეფომ ერთობლივი განცხადება გაავრცელეს, რომლის თანახმადაც, ორივე ქვეყანა მზადაა შექმნას მრავალეროვნული სამხედრო მისია, რათა ჰორმუზის სრუტეში თავისუფალი ნაოსნობა უზრუნველყოს.

تنگه هرمز میدان نمایش نظامی قدرت‌های فرامنطقه‌ای نیست. ایران به‌عنوان قدرت مسئول و ضامن امنیت تنگه، نسبت به هر حرکت نظامی در این آبراه حساس هشدار می‌دهد. امنیت هرمز با دولت‌های ساحلی است؛ بحران‌سازان مسئول پیامدهای ماجراجویی خود خواهند بود؛ این هشدار جدی است. pic.twitter.com/v9n2GdHnb6 — Gharibabadi (@Gharibabadi) July 4, 2026