ირანული მედია: ირანმა რეგიონში აშშ-ის ობიექტებზე სარაკეტო და დრონებით თავდასხმა დაიწყო

ირანის ისლამური რევოლუციის გუშაგთა კორპუსმა გაავრცელა განცხადება, რომლის მიხედვითაც, ირანმა რეგიონში არსებული ამერიკული სამიზნეების მიმართულებით რაკეტები და უპილოტო საფრენი აპარატები გაუშვა.

ეს განცხადება მოჰყვა აშშ-ის მიერ განხორციელებულ ახალ საპასუხო დარტყმებს. ირანის ნახევრად ოფიციალური საინფორმაციო სააგენტო Tasnim-ის ცნობით, აფეთქებების ხმა გაისმა ირანის ქალაქებში - სირკსა და მინაბში, ასევე კუნძულ კეშმზე.

მოგვიანებით, ირანის კიდევ ერთი ნახევრად ოფიციალური სააგენტო Mehr-ის ინფორმაციით, მინაბის გუბერნატორმა სიტუაცია დააზუსტა და განაცხადა, რომ „ქალაქზე თავდასხმა არ დაფიქსირებულა“.

გავრცელებული ცნობით, აფეთქებების ხმა რეალურად ჰორმუზის სრუტის სანაპირო ზოლიდან მოდიოდა და არა უშუალოდ მინაბის ოლქიდან.