ჯარედ კუშნერი კიევსა და მოსკოვს შორის მოლაპარაკებებში ყველაზე რთულ საკითხად ტერიტორიებს ასახელებს

უკრაინასა და რუსეთს შორის ყველაზე რთულ საკითხად შტატების სპეციალური წარმომადგენელი ჯარედ კუშნერი ტერიტორიებს ასახელებს. მისი თქმით, კრემლს სურს მის მიერ მონიშნულ ხაზამდე დაიხიოს უკრაინამ და თუ კიევი დათანხმდება, სამშვიდობო შეთანხმების დანარჩენი ნაწილი, ფაქტობრივად, უკვე მზადაა. კუშნერმა ასევე აღნიშნა, რომ კიევი ამ ეტაპზე არ არის მზად, ჯარები აღნიშნულ ხაზამდე გაიყვანოს, რის გამოც შეერთებული შტატები კომპრომისული გადაწყვეტილების მოძებნას ცდილობს.

„პრეზიდენტმა პუტინმა მკაფიოდ დააფიქსირა საკუთარი პოზიცია იმასთან დაკავშირებით, თუ რის მიღწევა სურს. უკრაინას ამ საკითხში დათმობაზე წასვლა რომ ნდომებოდა, შეთანხმების დანარჩენ პუნქტებს უკვე შევათანხმებდით. თუმცა, უკრაინას ახლა ეს არ სურს. ჩვენი, როგორც შუამავლების ამოცანა კი ისეთი კრეატიული გამოსავლის პოვნაა, რომელიც არ შევა წინააღმდეგობაში მათ [უკრაინის] სურვილებთან, დაეხმარება მიზნის მიღწევაში და ამასთან, აიძულებს რუსეთს, დაასრულოს კონფლიქტი ისე, რომ ორივე მხარემ შეძლოს წინსვლა იმ სისტემის ფარგლებში, რომელიც მსგავსი მოვლენების განმეორებას გამორიცხავს“, - განაცხადა კუშნერმა.