ჯეი დი ვენსი: ისრაელმა პატივი უნდა სცეს ამ სამშვიდობო პროცესს

აშშ-ის ვიცე-პრეზიდენტმა, ჯეი დი ვენსმა განაცხადა, რომ ლიბანში ისრაელის სამხედრო ოპერაციები ზოგჯერ ხელს უშლიდა ირანთან მოლაპარაკებებში გარღვევის მიღწევას, რაც პრეზიდენტ დონალდ ტრამპის გაღიზიანების მიზეზი ხდებოდა.

ვენსის თქმით, ტრამპი ზოგჯერ „იმედგაცრუებული და გაღიზიანებული“ რჩება, როდესაც „შეთანხმებაში მნიშვნელოვანი გარღვევის ზღვარზე არიან, და მოულოდნელად, ბეირუთის ცენტრში ძლიერი აფეთქება ხდება, რასაც უამრავი ისეთი ადამიანის სიცოცხლე ეწირება, ვისაც „ჰეზბოლასთან“ საერთო არაფერი აქვს“.

„ეს მიუღებელია. სწორედ ამ ტიპის საკითხებზე ვითხოვდით უფრო მჭიდრო კოორდინაციას, რათა დარწმუნებული ვიყოთ, რომ მსგავსი რამ აღარ განმეორდება“, - აღნიშნა ვენსმა. მან კიდევ ერთხელ დაადასტურა ისრაელის უფლება, დაიცვას საკუთარი თავი, თუმცა მოუწოდა ქვეყანას, „პატივი სცეს ამ სამშვიდობო პროცესს“.

„ისრაელელებმა - ისევე როგორც ყველამ - პატივი უნდა სცენ ამ სამშვიდობო პროცესს, რომელიც ფუნდამენტურად სასარგებლოა როგორც მათთვის, ისე მთელი რეგიონისთვის“, - განაცხადა ვენსმა.