კაია კალასი: აშშ-მა და ირანმა გამოაცხადეს შეთანხმების შესახებ, რომელიც მიზნად ომის დასრულებასა და ჰორმუზის სრუტის ხელახლა გახსნას ისახავს. ეს პოტენციური გარღვევაა
ევროკომისიის ვიცე-პრეზიდენტმა კაია კალასმა შეერთებულ შტატებსა და ირანს შორის მიღწეულ სამშვიდობო მემორანდუმს პოტენციური გარღვევა უწოდა. მისი განცხადებით, შეთანხმების მიღწევა აუცილებელი პირობაა უფრო მნიშვნელოვან საკითხებზე, მათ შორის ირანის ბირთვულ პროგრამაზე მოლაპარაკების დასაწყებად.
კალასმა აღნიშნა, რომ ევროკავშირი, სამშვიდობო დარეგულირების მომდევნო ეტაპზე, აქტიურ ჩართვას განიხილავს.
„აშშ-მა და ირანმა გამოაცხადეს შეთანხმების შესახებ, რომელიც მიზნად ომის დასრულებასა და ჰორმუზის სრუტის ხელახლა გახსნას ისახავს. ეს პოტენციური გარღვევაა, რომელსაც შეუძლია შექმნას აუცილებელი სივრცე უფრო ღრმა მოლაპარაკებებისთვის ირანის ბირთვულ პროგრამასა და სხვა კრიტიკულ საკითხებზე.
ამოქმედების შემდეგ, ეს შეთანხმება ასევე შეამსუბუქებს გლობალურ ენერგეტიკულ კრიზისს. ბოლო დღეებში მე ვესაუბრე ჩემს ირანელ და ყურის ქვეყნების კოლეგებს, დღეს კი ევროკავშირის საგარეო საქმეთა მინისტრები განიხილავენ, თუ როგორ შეიძლება ევროკავშირი მჭიდროდ ჩაერთოს მომდევნო ფაზაში“, - წერს კალასი.
იმედი
წყარო: imedinews.ge