კაია კალასი: „ორეშნიკით“ დარტყმები მსოფლიოს ბირთვული ომის ზღვარზე აყენებს
რუსეთი ბრძოლის ველზე ჩიხში შევიდა, რის გამოც უკრაინას ქალაქების ცენტრებზე მიზანმიმართული დარტყმებით ატერორებს. ეს არის ამაზრზენი ტერორისტული აქტები, რომელთა მიზანიც რაც შეიძლება მეტი მშვიდობიანი მოქალაქის მკვლელობაა, - განაცხადა ევროკავშირის უმაღლესმა წარმომადგენელმა საგარეო საქმეთა და უსაფრთხოების პოლიტიკის საკითხებში, კაია კალასმა უკრაინაზე განხორციელებული ღამის დარტყმების კომენტირებისას.
სოციალურ ქსელ X-ში გამოქვეყნებულ პოსტში კალასმა ყურადღება გაამახვილა იმ გარემოებაზე, რომ საშუალო სიშორის ბალისტიკური რაკეტები „ორეშნიკი“ (რომელთაგან ერთ-ერთი რუსეთის შეიარაღებულმა ძალებმა კიევის ოლქის ქალაქ ბელაია ცერკოვზე გაუშვეს) თავდაპირველად ბირთვული ქობინების გადასატანად შეიქმნა. აქედან გამომდინარე, მათი გამოყენება წარმოადგენს „დაშინების ტაქტიკას და უპასუხისმგებლო თამაშს ბირთვული ომის ზღვარზე“.
კალასმა ასევე დასძინა, რომ მომავალ კვირას ევროკავშირის წევრი ქვეყნების საგარეო საქმეთა მინისტრები იმსჯელებენ იმაზე, თუ როგორ გააძლიერონ რუსეთზე ზეწოლა.
რუსეთის დარტყმებს კიევის ოლქზე სულ მცირე 4 ადამიანი ემსხვერპლა. რუსეთის თავდაცვის სამინისტროში დაადასტურეს, რომ თავდასმისას „ორეშნიკი“ გამოიყენეს.
იმედი
წყარო: imedinews.ge