კანის 79-ე საერთაშორისო კინოფესტივალის ბაზრობაზე საქართველოს ეროვნულ პავილიონში პირველი შეხვედრები გაიმართა

კანის 79-ე საერთაშორისო კინოფესტივალის ბაზრობაზე პირველი შეხვედრები გაიმართა საქართველოს ეროვნულ პავილიონში, რომელსაც ეროვნული კინოცენტრი და სახელმწიფო პროგრამა „გადაიღე საქართველოში"ერთობლივად წარადგენენ.

ერთი კვირის განმავლობაში ყველაზე გავლენიანი კინოფესტივალის ბაზრობაზე, საქართველოს დელეგაციის წევრებს, ქართველ რეჟისორებსა და პროდიუსერებს დაგეგმილი აქვთ ოფიციალური შეხვედრები მსოფლიო დონის პროდიუსერებთან და მსოფლიოს წამყვანი კინოინდუსტრიების წარმომადგენლებთან. მთავარი თემა - მომავალი თანამშრომლობა და ერთობლივი პროექტების განხორციელება იქნება. ბაზრობის ფარგლებში იგეგმება ქართული ფილმების წარდგენა უცხოელი პარტნიორებისთვის.