ხატია წილოსანი: მნიშვნელოვანია, რომ საქართველო ჩართული იყოს ყველა იმ მნიშვნელოვანი საკითხის განხილვაში, რომელიც ევროპის გრძელვადიან პოლიტიკას განსაზღვრავს

მოლდოვაში, მინისტერიალის ფარგლებში, განხილული იქნება მიგრაციის საკითხები, უცხოური გავლენისა და ინფორმაციის მანიპულაციის შესახებ საკითხები და უკრაინასთან დაკავშირებული თემები, - განაცხადა ევროპის საბჭოში საქართველოს მუდმივი წარმომადგენლობის ხელმძღვანელმა ხატია წილოსანმა.

მისი თქმით, მნიშვნელოვანია, რომ საქართველო ჩართული იყოს ყველა იმ მნიშვნელოვანი საკითხის განხილვაში, რომელიც ევროპის გრძელვადიან პოლიტიკას განსაზღვრავს.

„ეს არის კარგი შესაძლებლობა, 46 ქვეყნის თანდასწრებით, ჩვენმა ქვეყანამ წარმოადგინოს ყველა ის მნიშვნელოვანი პრიორიტეტი, რომელიც გააჩნია საგარეო პოლიტიკურ ველზე. ასევე, მნიშვნელოვანია, რომ საქართველო, როგორც პასუხისმგებლიანი საერთაშორისო პარტნიორი, ჩართული იყოს ყველა იმ მნიშვნელოვანი საკითხის განხილვაში, რომელიც ევროპის გრძელვადიან პოლიტიკას განსაზღვრავს“, - აცხადებს ხატია წილოსანი.

საგარეო საქმეთა მინისტრი მაკა ბოჭორიშვილი დღეს კიშინიოვში ევროპის საბჭოს მინისტრთა კომიტეტის 135-ე სესიაში მიიღებს მონაწილეობას.