კიევში გუშინდელი დაბომბვის შედეგად დაღუპულთა რიცხვი 16-მდე გაიზარდა
იმედი|imedinews.ge
რუსეთის შეიარაღებული ძალების მიერ გუშინ კიევზე განხორციელებული მასირებული საჰაერო თავდასხმის შედეგად დაღუპულთა რიცხვი 16-მდე გაიზარდა. ინფორმაციას უკრაინის საგანგებო სიტუაციების სახელმწიფო სამსახური ავრცელებს.
საგანგებო სიტუაციების სამსახურის ცნობით, დაღუპულთა შორის ორი ბავშვია. მაშველები ამ დრომდე მუშაობენ და ნანგრევებში ადამიანებს ეძებენ.
რაც შეეხება დაშავებულებს, მათი რიცხვი 47-მდე გაიზარდა. დაშავებულთა შორის ორი ბავშვია.
კიევის მერი ვიტალი კლიჩკო წერს, რომ საერთო ჯამში დაშავდა 57 ადამიანი, რომელთაგან 27 საავადმყოფოშია გადაყვანილი.
გაზიარება:
IM
იმედი
წყარო: imedinews.ge