კიევში მესამე დღეა, ყოფილი თავდაცვის მინისტრის, მიხაილო ფედოროვის მხარდამჭერი აქცია იმართება
კიევში, უკვე მესამე დღეა, ყოფილი თავდაცვის მინისტრის, მიხაილო ფედოროვის მხარდამჭერი აქცია იმართება. დემონსტრანტები მის გათავისუფლებას აპროტესტებენ და ალექსანდრ სირსკის გადადგომას მოითხოვენ.
საპროტესტო აქციებს პრეზიდენტი ზელენსკი გამოეხმაურა და აღნიშნა, რომ კონსულტაციები იმართება და არმიასთან დაკავშირებით გადაწყვეტილებები შემუშავდება.
„გუშინდელი და დღევანდელი დღე კონსულტაციებით იყო დატვირთული. რა თქმა უნდა, მესმის, რას ამბობს საზოგადოება. დღეს ხანგრძლივი საუბარი მქონდა მიხაილო ფედოროვთან. ასევე ვესაუბრე ალექსანდრ სირსკის. არმიასთან დაკავშირებული გადაწყვეტილებები შემუშავდება. მადლობა ყველას, ვინც უკრაინაზე ზრუნავს. მადლობა ყველას, ვინც იცავს ჩვენს პოზიციებს ფრონტის ხაზზე, მადლობა მათ, ვინც ყველაფერს აკეთებს, რომ ომი დაბრუნდეს იქ, საიდანაც დაიწყო – რუსეთში“, - აღნიშნა უკრაინის პრეზიდენტმა.
იმედი
წყარო: imedinews.ge