კირილ ბუდანოვის განცხადებით, პოლონეთი უკრაინაში პროვოკაციას ამზადებს
უკრაინის პრეზიდენტის ოფისის ხელმძღვანელმა კირილ ბუდანოვმა უკრაინულ მედიასთან ინტერვიუში განაცხადა, რომ პოლონეთი უკრაინის წინააღმდეგ პროვოკაციას ამზადებს.
ბუდანოვის თქმით, პროვოკაცია 11 ივლისისთვის იგეგმება, როცა ვოლინის ტრაგედიის წლისთავი აღინიშნება.
„11 ივლისამდე ერთ კვირაზე ნაკლები დრო დაგვრჩა, როცა ვოლინის ტრაგედიის წლისთავი აღინიშნება. იმ ინფორმაციიდან გამომდინარე, რომელსაც ვფლობ, ისინი [პოლონელები] უმწიფარი ესკალაციური ნაბიჯების მთელ წყებას ამზადებენ“, - განაცხადა ბუდანოვმა.
პოლონეთზე საუბრისას მან აგრეთვე აღნიშნა, რომ უკრაინა ულტიმატუმებს არავისგან მიიღებს. „უკანასკნელი, ვინც ჩვენს წინაშე ულტიმატუმების დაყენებას ცდილობდა, რუსეთის ფედერაცია იყო“, - თქვა მან.
მისი თქმით, რუსეთი პოლონეთზე ძლიერია, თუმცა ამის მიუხედავად უკრაინელებმა რუსების ულტიმატუმიც არ მიიღეს.
იმედი
წყარო: imedinews.ge