კირცხალია: ილია მეორის ცხოვრებაშივე შიო მუჯირის გამორჩევა ჩემთვის, როგორც რიგითი მოქალაქისთვის, ძალიან მნიშვნელოვანი იყო - მხნეობა და სულიერი სიმტკიცე შიო მესამეს იმ დიდ პასუხისმგებლობაში, რომელიც წმინდა სინოდმა მიანიჭა
საქართველოს მართლმადიდებელი ეკლესიის ახალ პატრიარქს, უწმინდესსა და უნეტარეს შიოს lll -ს გულითადად ვულოცავ ამ უდიდეს პასუხისმგებლობასა და ისტორიულ მისიას, რომელიც მას წმინდა სინოდმა დღეს მიანიჭა, - განაცხადა მედიასთან საპარლამენტო უმრავლესობის ლიდერმა, ფრაქცია „ქართული ოცნების“ თავმჯდომარემ ირაკლი კირცხალიამ უმრავლესობის სხდომის დასრულების შემდეგ.
კირცხალიამ უწმინდეს შიო მესამეს წარმატება და დღეგრძელობა უსურვა.
„ჩვენ ყველამ კარგად ვიცით ჩვენი სულიერი მამის, კათოლიკოს-პატრიარქის, ილია მეორის 29-წლიანი ღვაწლი. ის, რაც მან დაუტოვა ჩვენს ერს, ეს ყველაფერი უნდა გააგრძელოს ჩვენმა სულიერმა მამამ, უწმინდესმა და უნეტარესმა შიო მესამემ, ადამიანმა, რომელიც პატრიარქმა თავისივე სიცოცხლეში გამოარჩია. ილია მეორის ცხოვრებაშივე შიო მუჯირის გამორჩევა ჩემთვის, როგორც რიგითი მოქალაქისთვის, ძალიან მნიშვნელოვანი იყო.
დიდხანს სიცოცხლე, ჯანმრთელობა, მხნეობა და სულიერი სიმტკიცე შიო მესამეს იმ დიდ პასუხისმგებლობაში, რომელი პასუხისმგებლობაც მას წმინდა სინოდმა მიანიჭა“, - აღნიშნა ირაკლი კირცხალიამ.
საქართველოს ახალი პატრიარქი ჰყავს - საეკლესიო კრებამ 142-ე პატრიარქად შიო მესამე აირჩია
იმედი
წყარო: imedinews.ge