კირცხალია: საზოგადოებამ კარგად ნახა, გეკა გელაძის მინისტრობის პერიოდში თუ რა წარმატებებს მიაღწია შს სამინისტრომ, დამერწმუნეთ, იგივე სულისკვეთებით გააგრძელებს თავის საქმიანობას უსაფრთხოების სამსახურის ხელმძღვანელის თანამდებობაზე
დამერწმუნეთ, იგივე სულისკვეთებითა და ენერგიით ბატონო გეკა გელაძე გააგრძელებს თავის საქმიანობას უსაფრთხოების სამსახურის ხელმძღვანელის თანამდებობაზე, - განუცხადა ჟურნალისტებს „ქართული ოცნების“ გორგასლის ოფისში, საპარლამენტო უმრავლესობის სხდომის დასრულების შემდეგ, საპარლამენტო უმრავლესობის ლიდერმა, ფრაქცია „ქართული ოცნების“ თავმჯდომარემ, ირაკლი კირცხალიამ.
იგი საკადრო ცვლილებებსაც შეეხეო.
„იქ, სადაც ბატონი გეკა აირჩევა ხელმძღვანელ თანამდებობაზე, მას ამ სტრუქტურაში უკვე აქვს გამოცდილება, როგორც პირველ მოადგილეს. საზოგადოებამ კარგად ნახა, ბატონი გეკას მინისტრობის პერიოდში თუ რა წარმატებებს მიაღწია შს სამინისტრომ ყველა მიმართულებით. იქნება ეს ნარკოპოლიტიკასთან მიმართებით და ანტინარკოტიკული ბრძოლა, ეს იქნება მიგრაციასთან დაკავშირებული საკითხები თუ ორგანიზებულ დანაშაულთან მიმართებით. დამერწმუნეთ, იგივე სულისკვეთებითა და ენერგიით ბატონო გეკა გააგრძელებს თავის საქმიანობას უსაფრთხოების სამსახურის ხელმძღვანელის თანამდებობაზე“, - განაცხადა კირცხალიამ.
სახელმწიფო უსაფრთხოების სამსახურს ხვალიდან გეკა გელაძე უხელმძღვანელებს. კანდიდატურა კენჭისყრაზე პლენარულ სხდომაზე გავა.
იმედი
წყარო: imedinews.ge