კობა კობალაძე გიორგი ბარამიძის განცხადებაზე: სჯობს, ისევ პროკურატურამ, სახელმწიფო უწყებებმა დასვან კითხვები, ვისაც კითხვის დასმის საშუალებაც აქვთ და პასუხის გაანალიზებისაც

სჯობს, ისევ პროკურატურამ, სახელმწიფო უწყებებმა დასვან კითხვები, ვისაც კითხვის დასმის საშუალებაც აქვთ და პასუხის გაანალიზებისაც, - განუცხადა „ქრონიკას“ ვეტერანების საქმეთა სახელმწიფო სამსახურის დირექტორმა კობა კობალაძემ.

„ეს [ბარამიძის განცხადება] არის სიბოროტით გაჯერებული ტაქტიკური სვლა. თქვენ ნახეთ ერთობლივი მოთხოვნა და განაცხადი, რომლებიც ჭეშმარიტების დადგენაში დახმარებას ითხოვენ. სჯობს, ისევ პროკურატურამ, სახელმწიფო უწყებებმა დასვან კითხვები, ვისაც კითხვის დასმის საშუალებაც აქვთ და პასუხის გაანალიზებისაც. ასევე იმ გარემოებების დადგენის საშუალებაც, რატომ საუბრობს ეს [ბარამიძე] ამას“, - აღნიშნა კობალაძემ.

გიორგი ბარამიძის მიერ აფხაზეთის ომისა და ტყვეთა გაცვლის პროცესის შესახებ გაკეთებულ განცხადებასთან დაკავშირებით, საქართველოს გენერალურმა პროკურატურამ სამშობლოს ღალატის მუხლით გამოძიება დაიწყო.