კშიშტოფ ბრეიზა: „იმედს“, „რუსთავი 2“-სა და „PosTV-ს“ ევროპარლამენტში შესვლა აეკრძალათ. შესაბამისი მოთხოვნა მე და ჩემი გუნდის აღმოსავლეთ პოლიტიკის კოორდინატორმა ელენე მეტრეველმა წარვადგინეთ

ტელეკომპანია „იმედის“ მსგავსად, ევროპარლამენტში მუშაობა 1 წლითა „რუსთავი 2“-სა და PosTV-საც აეკრძალა. განცხადება ევროპარლამენტარმა კშიშტოფ ბრეიზამ გაავრცელა.

„საქართველოში რეჟიმის პრორუსულ რუპორებს - ტელეკომპანია „იმედს“, „რუსთავი 2“-სა და „PosTV-ს“ დღეს ევროპარლამენტში შესვლა აეკრძალათ. შესაბამისი მოთხოვნა მე და ჩემი გუნდის აღმოსავლეთ პოლიტიკის კოორდინატორმა ელენე მეტრეველმა წარვადგინეთ. პრომოსკოვური ორბანის რეჟიმის დაცემის შემდეგ - ევროკავშირს საბოლოოდ შეუძლია მტკიცედ დაუჭიროს მხარი პროდასავლურ მიმართულებას საქართველოში, რათა შეასუსტოს პრორუსული ოლიგარქიის გავლენა, რომელიც ანადგურებს ქვეყანას“, - წერს ბრეიზა.

ევროპარლამენტმა ტელეკომპანია „იმედს” საქმიანობა 1 წლით აუკრძალა. მოლდოვამ კი სამ ქართულ მაუწყებელს - „იმედს”, „რუსთავი ორსა“ და „პოსტივის“ აკრედიტაციაზე უარი განმარტების გარეშე უთხრა.