კუბის პრეზიდენტი: ამბობენ, რომ კუბა დიდ საფრთხეს უქმნის შეერთებულ შტატებს, მაგრამ დარწმუნებული ვარ, ამერიკელი ხალხი ასე არ ფიქრობს. ასე ფიქრობს ამერიკის მთავრობა

ამერიკის მხრიდან კუბის მიმართ სამხედრო საფრთხემ უპრეცედენტო დონეს მიაღწია, - განაცხადა კუბის პრეზიდენტმა მიგელ დიას-კანელმა. მისი თქმით, ვაშინგტონის მხრიდან გაზრდილ საფრთხეზე საერთაშორისო საზოგადოებას და ამერიკელ ხალხს სათანადო რეაგირება უნდა ჰქონდეს.

„ისინი ამბობენ, რომ კუბა დიდ საფრთხეს უქმნის შეერთებულ შტატებს, მაგრამ დარწმუნებული ვარ, ამერიკელი ხალხი ასე არ ფიქრობს. ასე ფიქრობს ამერიკის მთავრობა. ეს არის მოგონილი მიზეზი, რითაც ცდილობენ ჩვენზე შესაძლო თავდასხმის გამართლებას“, - აღნიშნა პრეზიდენტმა.