კულტურის სამინისტროს მხარდაჭერით, თბილისის ოპერისა და ბალეტის თეატრში თბილისის ბალეტის ფესტივალის გალა-კონცერტი გაიმართა

კულტურის სამინისტროს მხარდაჭერით, თბილისის ოპერისა და ბალეტის თეატრში თბილისის ბალეტის ფესტივალის გალა-კონცერტი გაიმართა. გალა-კონცერტის პროგრამა მსოფლიო კლასიკისა და თანამედროვე ქორეოგრაფიის გამორჩეულ ნიმუშებს მოიცავდა, მათ შორის: ბალეტ „ლეას“, ბალეტ „რაიმონდას“ III მოქმედებას და ბალეტ „დონ კიხოტის“ გრანდ დივერტისმენტს.

გალა-კონცერტს, თბილისის ოპერისა და ბალეტის თეატრის ორკესტრის თანხლებით, მაესტრო ლევან ჯაგაევი ხელმძღვანელობდა. ღონისძიებაში მონაწილეობდნენ როგორც საქართველოს სახელმწიფო ბალეტის, ისე მოწვეული სოლისტები.

კულტურის სამინისტროს მხარდაჭერით, თბილისის ბალეტის ფესტივალი მეშვიდედ იმართება. ფესტივალის სამხატვრო ხელმძღვანელი ნინო ანანიაშვილია.