კვლევა: ოთხდღიანი ძლიერი წვიმის შედეგად მსოფლიოში უიშვიათესი ორანგუტანგების 7% დაიღუპა

ინდონეზიის კუნძულ სუმატრაზე ოთხდღიანმა ექსტრემალურმა წვიმამ და მეწყერმა მსოფლიოში ყველაზე მოწყვლადი მაიმუნები გადაშენებას კიდევ უფრო მიაახლოვა.

კვლევის მიხედვით, გასული წლის ნოემბერში, ექსტრემალური ამინდის შედეგად, კრიტიკული საფრთხის ქვეშ მყოფი ტაპანულის ორანგუტანგების, რომელთა საერთო რაოდენობა 800-ზე ნაკლებია, დაახლოებით 7%-ით შემცირდა. ოთხშაბათს გამოქვეყნებული კვლევის ავტორების თქმით, საუბარია სულ მცირე 58 დაღუპულ ინდივიდზე.

ციკლონმა „სენიარმა“ სუმატრას ნოემბრის ბოლოს დაატყდა თავს. მან სამხრეთ-აღმოსავლეთ აზიაში 1000-ზე მეტი ადამიანის სიცოცხლე შეიწირა და 2025 წლის ყველაზე სასიკვდილო ბუნებრივ კატასტროფად იქცა.

ავტორების განცხადებით, კვლევის შედეგები აჩვენებს, რომ ექსტრემალურმა ნალექმა შესაძლოა პირდაპირი საფრთხე შეუქმნას ადამიანის მსგავსი მაიმუნების პოპულაციების გადარჩენას. თუმცა, კუნძულის ველური ბუნებისთვის მიყენებული ზიანის ზუსტად შეფასება უფრო რთული აღმოჩნდა.

ველური ბუნების ექსპერტები და გარემოსდამცველები მანამდეც აღნიშნავდნენ, რომ შტორმის შემდეგ ტაპანულის ორანგუტანგების გამოჩენის შემთხვევები მკვეთრად შემცირდა - ამან გააძლიერა ვარაუდი, რომ დიდი მაიმუნები შესაძლოა წყალდიდობებსა და მეწყრებს გაეტაცა.