ლატვიის პრემიერ-მინისტრი ევნიკა სილინია გადადგა
ლატვიის პრემიერ-მინისტრმა ევნიკა სილინიამ თანამდებობა დატოვა. ამის მიზეზად მან მთავრობაში მომხდარი კონფლიქტი დაასახელა, რომელიც თავდაცვის მინისტრის ანდრის სპრუდსის გადადგომას მოჰყვა. საკუთარი გადადგომის შესახებ სილინიამ ხუთშაბათს გამართულ ბრიფინგზე განაცხადა.
„ამ მომენტში პოლიტიკური შური და ვიწრო პარტიული ინტერესები პასუხისმგებლობაზე მაღლა დადგა. დაინახეს რა თავდაცვის მინისტრის პოსტზე ძლიერი კანდიდატი [პოლკოვნიკი რაივის მელნისი], პოლიტიკურმა მოლაყბეებმა სამთავრობო კრიზისის გზა აირჩიეს“, - აღნიშნა მან.
დაძაბულობა ლატვიის მთავრობაში გასულ უქმეებზე დაიწყო, როდესაც თანამდებობა თავდაცვის მინისტრმა ანდრის სპრუდსმა პარტია „პროგრესულებიდან“ დატოვა. სილინიამ მაშინ განაცხადა, რომ სპრუდსმა დაკარგა მისი და საზოგადოების ნდობა ლატვიის ტერიტორიაზე დრონების ჩამოვარდნის ინციდენტებთან დაკავშირებით.
სილინიამ აღნიშნულ პოსტზე პოლკოვნიკ რაივის მელნისის კანდიდატურა წარადგინა, რომელიც შეთავაზებას დათანხმდა. თავად სპრუდსმა მოგვიანებით განაცხადა, რომ გადადგომა მისი პირადი გადაწყვეტილება იყო, ხოლო სილინიას გამოსვლას „პოლიტიკური თამაშები“ უწოდა.
იმედი
წყარო: imedinews.ge