ლენტეხში, სტიქიის ზონაში დღეს გეოლოგებს ელოდებიან

ლენტეხში, სტიქიის ზონაში დღეს გეოლოგებს ელოდებიან, რომლებიც ადგილზე შექმნილ ვითარებას გაეცნობიან. მუნიციპალიტეტის მერის ინფორმაციით, არც ერთი სოფელი, გარე სამყაროს მოწყვეტილი არ არის. სასმელი წყალი არ მიეწოდება სოფელ დურიშს, რადგან მეწყერმა მილები დააზიანა.

გიორგი გაზდელიანის თქმით, პრობლემა რამდენიმე დღეში მოგვარდება, სტიქიის სალიკვიდაციო სამუშაოები კი სოფელ საყდრის ხიდთან აქტიურად მიმდინარეობს.

„ვითარება დასტაბილურებულია. შიდასასოფლო გზები გახსნილია. სტიქიის შემსწავლელი კომისია დადის სოფლებში და ადგილზე სწავლობს ზარალს. ასევე, დღეს ველოდებით გეოლოგებს. სტიქიის სალიკვიდაციო სამუშაოები ისევ მიმდინარეობს ცენტრალურ საავტომობილო გზებზე“, - განაცხადა ლენტეხის მუნიციპალიტეტის მერმა, გიორგი გაზდელიანმა.