ლევან მაჭავარიანი გარე ძალებზე: მათ ხელისუფლებაში აგენტურა სჭირდებათ. აქედან გამომდინარე, ისინი ყველაფერს აკეთებენ, რომ „ქართული ოცნება“ ჩაანაცვლონ

მათ ხელისუფლებაში აგენტურა სჭირდებათ. აქიდან გამომდინარე, ისინი ყველაფერს აკეთებენ, რომ „ქართული ოცნება“ ჩაანაცვლონ, - განაცხადა „დღის ქრონიკაში“ ფრაქცია „ქართული ოცნების“ თავმჯდომარის პირველმა მოადგილემ, ლევან მაჭავარიანმა გარე ძალებზე საუბრისა.

მისივე თქმით, გარე ძალებს საქართველოს ომში ჩართვა სურდათ, რაზეც „ქართული ოცნება“ ყოველთვის საუბრობდა. მაჭავარიანმა მოიშველია ტრამპის სიტყვები, რომ უკრაინის ომი ეს არის დასავლეთისა და რუსეთს შორის ომი, „პროქსი ომი“, სადაც სატელიტ სახელმწიფოდ იყო გამოყენებული უკრაინა. მაჭავარიანი მიიჩნევს, რომ სწორედ ეს დადასტურდა - ამის საწინააღმდეგოს არვინ ამბობს და ეს ისაა, რაც საქართველოსგანაც უნდოდათ.

„ეს ვერ გვაპატიეს - ეს რეზოლუციები ამას ემსახურება, რომ ერთი მხრივ, ის ძალები, რომელიც ბრიუსელის უკან დგას, ძალიან დიდი ეგო აქვთ და მათ უნდათ, ეგო დაკმაყოფილდეს და საქართველო დაისაჯოს. მეორე მხრივ, საქართველო უნდა იყოს, დასჯის მაგალითი, იქიდან გამომდინარე, რომ ძალიან ბევრი ქვეყნისთვის ჩვენ სამაგალითო ვართ. ამ პატარა ქვეყანამ მოვახერხეთ ის, რომ ვიბრძოლეთ და დავიცავით ჩვენი ქვეყნის სუვერენიტეტი, მშვიდობა, დამოუკიდებლობა და გადაწყვეტილებებს საქართველოშივე ვიღებთ. ძალიან ბევრ ქვეყანას ეს კეთილი შურით შურს. შესაბამისად, საქართველო რომ არ დაისაჯოს, მათი გადმოსახედიდან, მათ ძალიან ბევრი ქვეყანა „აუჯანყდებათ“. ყველას პრეტენზია გაუჩნდება - „საქართველოს თუ რაღაცები დაავალეთ და უარი გითხრათ, მაშინ ჩვენ რატომ უნდა შევასრულოთ თქვენი დავალებები“. შესაბამისად, მათ ეს სჭირდებათ.

მესამე არის ის, რომ მათ სჭირდებათ მართული ხელისუფლება საქართველოში. დღეს ომის თემაა დღის წესრიგში, ხვალ შუა კორიდორის კონტროლის თემა იქნება; ზეგ კიდევ მეტი ტერიტორია რომ უნდა დაკარგოს - თეორიულად და ვინმეს უნდა დაავალონ საქართველოში, რომ რაღაც დიდ თამაშში გაიცვალოს რუსეთთან ეს ყველაფერი, რა თქმა უნდა, მათ ხელისუფლებაში აგენტურა სჭირდებათ. აქედან გამომდინარე, ისინი ყველაფერს აკეთებენ, რომ „ქართული ოცნება“ ჩაანაცვლონ“, - განაცხადა მაჭავარიანმა.

მისივე თქმით, რადიკალური ოპოზიციის ხუთი რევოლუციის მცდელობა საქართველოში ბრიუსელის მიერ იყო დაფინანსებული.