ლევან მაჭავარიანი ოპოზიციურ ალიანსში მიმდინარე პროცესებზე: ეს ყველაფერი იმიტომ კეთდება, რომ გარე პატრონებს უნდათ, 2028 წლისთვის გახარიას პარტია და „ლელო“ ბოლომდე იყოს გამიჯნული საზოგადოების თვალში

ეს ყველაფერი იმიტომ კეთდება, რომ გარე პატრონებს უნდათ 2028 წლისთვის გახარიას პარტია და „ლელო“ ბოლომდე იყოს გამიჯნული საზოგადოების თვალში, - განაცხადა ფრაქცია „ქართული ოცნების“ თავმჯდომარის პირველმა მოადგილემ ლევან მაჭავარიანმა „დღის ქრონიკაში“.

წამყვანმა ჰკითხა, რისი მანიშნებელია „ნაციონალურ მოძრაობაში“ ბოლოდროინდელი „პოლიტიკური მელოდრამა“ მისთვის.

„ეს ყველაფერი იმიტომ კეთდება, რომ გარე პატრონებს უნდათ, რომ 2028 წლისთვის გახარიას პარტია და „ლელო“ ბოლომდე იყოს გამიჯნული საზოგადოების თვალში და ამდენი სპექტაკლი თამაშდება, რომ საზოგადოების ყურადღება გადავიდეს „კოლექტიური ნაცმოძრაობის“, ალიანსის შიგნით განვითარებულ პროცესებზე. თითქოს ეს ორი პარტია არაფერში მონაწილეობს და ცალკე პარტიები არიან. ფსონი უფრო კეთდება „ლელოსა“ და გახარიას პარტიაზე, თუმცა ამომრჩეველი, რომელიც ძირძველ „ნაცებს“ ჰყავთ, იმის დაკარგვასაც არ აპირებენ. 2024 წელს ვიხილეთ, რომ იმ ამომრჩევლის გადალაგება უფრო ნიკა გვარამიას მხარეს ხდებოდა“, - აღნიშნა მაჭავარიანმა.