ლევან მახაშვილი: 11 ივნისს იქნება ძალიან საინტერესო სამუშაო შეხვედრა უწყებებს შორის. უწყებებს და ევროკომისიას ექნებათ შესაძლებლობა, რომ ერთმანეთში გაცვალონ პოზიციები იმ თემებთან დაკავშირებით, რაზეც შეიძლება ევროკომისიას ან ევროკავშირის ზოგიერთ წევრ ქვეყანას ჰქონდეს კითხვები
11 ივნისს იქნება ძალიან საინტერესო სამუშაო შეხვედრა უწყებებს შორის. უწყებებს და ევროკომისიას ექნებათ შესაძლებლობა, რომ ერთმანეთში გაცვალონ პოზიციები იმ თემებთან დაკავშირებით, რაზეც შეიძლება ევროკომისიას ან ევროკავშირის ზოგიერთ წევრ ქვეყანას ჰქონდეს კითხვები, - განაცხადა პარლამენტის ევროპასთან ინტეგრაციის კომიტეტის თავმჯდომარე ლევან მახაშვილმა.
მისივე თქმით, ევროკომისიას ანგარიშში ყურადღება აქვს გამახვილებული სამ დიდ თემაზე.
„ევროკომისიას ანგარიშში ყურადღება აქვს გამახვილებული სამ დიდ თემაზე. ეს არის კანონები, რასთან დაკავშირებითაც აქვთ კითხვები. სანქციებთან დაახლოება, იქნება ეს სავიზო პოლიტიკასთან დაახლოება, რასთან დაკავშირებითაც ჩვენც გვექნება შესაბამისი პოზიციონირება ჩვენი მდგომარეობიდან, საგარეო პოლიტიკური გამოწვევებიდან, ოკუპაციიდან, თუ სხვა მდგომარეობიდან გამომდინარე.
მოხდა ამ თემის ზედმეტი პოლიტიზება, ზედმეტი მცდელობა, რომ მაქსიმალური შანტაჟის იარაღი ყოფილიყო ეს თემა. ჩვენ მაქსიმალურად შევეცდებით, რომ კონკრეტული არგუმენტებით, მშვიდ, მეგობრულ ატმოსფეროში შევეცადოთ ამ თემის დაბრუნებას სამუშაო პროცესში“, - აღნიშნა ლევან მახაშვილმა.
მმართველი გუნდის შეფასებით, უვიზო მიმოსვლის შეწყვეტის სამართლებრივი საფუძვლები არ არსებობს, მორიგი მუქარა კი პოლიტიკურია. ხელისუფლების მკაფიო პოზიცია არის, რომ ვიზალიბერალიზაცია სუვერენიტეტზე არ იცვლება.
იმედი
წყარო: imedinews.ge