ლევან მახაშვილი: თუ იქნება ინტერესი და დავინახავთ მზაობას, რომ გერმანია, თუ სხვა ქვეყნები არიან გულწრფელად მზად ამ ურთიერთობის გადატვირთვისთვის, პოზიტიურ ჭრილში წაყვანისთვის, ყოველთვის კონსტრუქციულ როლს შევასრულებთ ამ პროცესში

თუ იქნება ინტერესი და დავინახავთ მზაობას, რომ გერმანია, თუ სხვა ქვეყნები არიან გულწრფელად მზად ამ ურთიერთობის გადატვირთვისთვის, პოზიტიურ ჭრილში წაყვანისთვის, ყოველთვის კონსტრუქციულ როლს შევასრულებთ ამ პროცესში, - განაცხადა „დღის ქრონიკაში“ ევროპასთან ინტეგრაციის კომიტეტის თავმჯდომარე, ლევან მახაშვილმა.

მისი თქმით, საქართველო არ ყოფილა ამ ურთიერთობის გაფუჭების ინიციატორი.

„ევროკავშირის ბევრი წევრი სახელმწიფოს გაგება საქართველოსთან მიმართებით იყო არასწორი. ამ დამოკიდებულებამ კრახი განიცადა. ფაქტია, რომ არის მზაობა, ამ პოზიციის გადახედვის. ისიც ფაქტია, რომ საქართველოს დამოკიდებულება ამ ნაწილში არ შეცვლილა და პირიქით, ვაფასებთ ჩვენი პარტნიორების ურთიერთობას და საქართველო არ ყოფილა ამ ურთიერთობის გაფუჭების ინიციატორი. თუ იქნება ინტერესი და დავინახავთ მზაობას, რომ გერმანია, თუ სხვა ქვეყნები არიან გულწრფელად მზად ამ ურთიერთობის გადატვირთვისთვის, პოზიტიურ ჭრილში წაყვანისთვის, ყოველთვის კონსტრუქციულ როლს შევასრულებთ ამ პროცესში. მზად ვართ, საერთო ინტერესების, ურთიერთპატივისცემის ნიადაგზე, აღვადგინოთ ეს ურთიერთობები“, - აღნიშნა მახაშვილმა.