ლონდონში ანტიმიგრაციულ აქციაზე ათობით ათასი ადამიანი გავიდა
ლონდონში ათობით ათასი ადამიანი ანტიმიგრაციულ მარშზე გავიდა. ინგლისის დედაქალაქის ცენტრში გამართული აქცია ულტრამემარჯვენე აქტივისტის, სტივენ იაქსლი-ლენონის მიერ იყო ორგანიზებული, რომელიც ასევე ცნობილია როგორც ტომი რობინსონი. მარშის მონაწილეები უკმაყოფილებას გამოხატავდნენ თავშესაფრის მაძიებელთა რაოდენობისა და მასობრივი იმიგრაციის გამო. აქციის მონაწილეებისადმი მიმართვაში რობინსონმა მათ „ბრიტანეთისთვის ბრძოლისთვის“ მომზადებისკენ მოუწოდა.
დიდი ბრიტანეთის პრემიერ-მინისტრმა, კირ სტარმერმა, მარშის ჩატარებამდე მისი ორგანიზატორები სიძულვილისა და განხეთქილების განზრახ გავრცელებაში დაადანაშაულა. ტომი რობინსონი ბრიტანელ მემარჯვენეებს შორის ცნობილი აქტივისტია. მის მიერ ორგანიზებულ წინა ანტიმიგრაციულ აქციაში, 2025 წლის სექტემბერში, დაახლოებით 150 ათასმა ადამიანმა მიიღო მონაწილეობა.
იმედი
წყარო: imedinews.ge