ლონდონში, უემბლის სტადიონთან ახლოს, ძლიერი ხანძარია - შეჩერებულია მეტროსა და რკინიგზის მოძრაობა
იმედი|imedinews.ge
ჩრდილო-დასავლეთ ლონდონში, უემბლის სტადიონთან ახლოს, ნარჩენების გადამამუშავებელ ობიექტზე მასშტაბური ხანძარი გაჩნდა, რის გამოც მიმდებარე ტერიტორიაზე მეტროსა და მატარებლების მოძრაობა პარალიზებულია.
ლონდონის სახანძრო სამსახურის ინფორმაციით, ნისდენში, ჰანა კლოუზის ინდუსტრიულ ზონაში ხანძრის ლიკვიდაციის ოპერაციაში 125 მეხანძრე-მაშველი მონაწილეობს. ხანძრის შედეგად წარმოქმნილი სქელი კვამლის სვეტები ცენტრალური ლონდონიდან, რამდენიმე კილომეტრის დაშორებითაც კი მკაფიოდ ჩანს.
შექმნილი ვითარების გამო Metropolitan line-ის მეტროს ხაზზე მოძრაობა თითქმის სრულად შეჩერებულია, ხოლო Jubilee line-ის მონაკვეთზე მატარებლები არ მოძრაობენ.
გაზიარება:
იმედი
წყარო: imedinews.ge