მადიარმა განაცხადა, რომ ივნისის დასაწყისში ზელენსკისთან შეხვედრა სურს, რათა ხელი შეუწყოს დასავლეთ უკრაინაში მცხოვრები ეთნიკური უნგრელების მდგომარეობის გაუმჯობესებას
იმედი|imedinews.ge
უნგრეთის მომავალმა პრემიერ-მინისტრმა, პეტერ მადიარმა განაცხადა, რომ ივნისის დასაწყისში ვოლოდიმირ ზელენსკისთან შეხვედრა სურს, რათა ხელი შეუწყოს დასავლეთ უკრაინაში მცხოვრები ეთნიკური უნგრელების „მდგომარეობის გაუმჯობესებას“.
„შეხვედრის მიზანია ზაკარპატიის ოლქში უნგრელების მდგომარეობის გაუმჯობესება და მათი მხარდაჭერა, რათა შეძლონ საკუთარ სამშობლოში დარჩენა“, - განაცხადა მადიარმა სოციალურ ქსელში.
შეხვედრა, რომელიც, სავარაუდოდ, მადიარის მიერ თანამდებობის დაკავების შემდეგ გაიმართება, ზელენსკისა და უნგრეთის ახალ ლიდერს შორის პირველი მოლაპარაკება იქნება.
გაზიარება:
IM
იმედი
წყარო: imedinews.ge