მაია ბითაძე: დიდი პროპაგანდისტული მანქანა, რასაც ევროკავშირი ამუშავებს, მიმართულია იქითკენ, რომ საქართველოში შეიცვალოს ხელისუფლება და მოვიდეს ისეთი ხელისუფლება, რომელიც უპირობოდ შეასრულებს იმას, რასაც მოითხოვს ევრობიუროკრატია
დიდი პროპაგანდისტული მანქანა, რასაც ევროკავშირი ამუშავებს, მიმართულია იქითკენ, რომ საქართველოში შეიცვალოს ხელისუფლება და მოვიდეს ისეთი ხელისუფლება, რომელიც უპირობოდ შეასრულებს იმას, რასაც მოითხოვს ევრობიუროკრატია, - განაცხადა გადაცემაში „ღია ეთერი-დებატები“ გარემოს დაცვისა და ბუნებრივი რესურსების საპარლამენტო კომიტეტის თავმჯდომარე მაია ბითაძემ.
მისივე თქმით, კანდიდატის სტატუსის დაგვიანებით, მაგრამ მაინც მინიჭებით იყო მცდელობა, საქართველოში კვლავ გაბატონებულიყო ევრობიუროკრატების მიმართ უთქმელი მორჩილება.
„როგორც კი იგრძნეს, რომ საქართველომ გარკვეულ საკითხებში მათ წინააღმეგობა გაუწია, მივედით იქამდე, რომ 2024 წლის არჩევნებამდე ევროკავშირმა გაყინა მაღალ დონეზე საქართველოსთან ურთიერთობები და ევროკავშირის ელჩი პირდაპირ წინასაარჩევნო კამპანიაში ჩაერთო.
საბოლოო ჯამში მივდივართ ისევ საქართველოს გეოგრაფიულ მდებარეობამდე, როგორც დერეფნამდე - ევროკავშირი, რომელიც გეოპოლიტიკურ ტურბულენტობაში საკმაოდ დასუსტდა, განსაკუთრებით საჭიროებს ენერგეტიკულ უსაფრთხოებას და მათ შორის, სხვადასხვა ლოჯისტიკურ დერეფანს, რომელთა შორის საქართველო ყველაზე უსაფრთხო და სანდოა“, - განაცხადა მაია ბითაძემ.
იმედი
წყარო: imedinews.ge