მაია ბითაძე: ევროკავშირში წევრობა პოსტსაბჭოთა ქვეყნებისთვის ყოველთვის იყო სატყუარა. ის, რომ ამ ქვეყნებს ყოველთვის სურდათ ევროპულ დემოკრატიულ ინსტიტუტებში გაწევრიანება, სამწუხაროდ გამოიყენეს ინსტრუმენტად, რომ რიგი სახელმწიფოები ყოფილიყვნენ მართულნი

ევროკავშირში წევრობა პოსტსაბჭოთა ქვეყნებისთვის სატყუარა იყო ყოველთვის. ის, რომ ამ ქვეყნებს ყოველთვის სურდათ ევროპულ დემოკრატიულ ინსტიტუტებში გაწევრიანება, სამწუხაროდ გამოიყენეს ინსტრუმენტად, რომ რიგი სახელმწიფოები ყოფილიყვნენ მართულნი, - განაცხადა პარლამენტის გარემოს დაცვის კომიტეტის თავმჯდომარემ, საპარლამენტო უმრავლესობის წევრმა მაია ბითაძემ გადაცემაში „იმედი LIVE“.

მისი თქმით, ამის ნათელი მაგალითია ის ისტორია, რაც საქართველომ განვლო დამოუკიდებლობის მოპოვების შემდეგ.

„ევროკავშირში წევრობა პოსტსაბჭოთა ქვეყნებისთვის სატყუარა იყო ყოველთვის. ის, რომ ამ ქვეყნებს ყოველთვის სურდათ ევროპულ დემოკრატიულ ინსტიტუტებში გაწევრიანება, სამწუხაროდ გამოიყენეს ინსტრუმენტად, რომ რიგი სახელმწიფოები ყოფილიყვნენ მართულნი მას შემდეგ, რაც დამოუკიდებლობა მოიპოვეს. ამის ნათელი მაგალითია ის ისტორია, რაც საქართველომ განვლო დამოუკიდებლობის მოპოვების შემდეგ. უკრაინაში ომის დაწყებამდე გაფართოებაზე საუბარი საერთოდ არ იყო და არავის ჰქონდა მოლოდინი, რომ გაფართოების კარი გაიხსნებოდა.

ომის დაწყებაც გახდა სატყუარა სამი ქვეყნისთვის, სადაც ლიდერი ყოველთვის იყო საქართველო. ჩემი სუბიექტური აზრით, 2030 წელს უკრაინას არავინ მიიღებს ევროკავშირში. აბსურდთან გვაქვს საქმე და ამ აბსურდს ყველაზე მეტად შეუძლია დაანგრიოს ევროპული ინსტიტუტების ის სიმყარე და მშვიდობა, რამაც მოუტანა ევროპის ქვეყნებს მეორე მსოფლიო ომის შემდეგ“, - აღნიშნა ბითაძემ.