მაია ბითაძე: რადიკალურ ოპოზიცია რა კონფიგურაციითაც არ უნდა წარდგეს მოსახლეობის თუ საერთაშორისო მეგობრობის წინაშე, მათი საქმე პოლიტიკურად ძალიან ცუდად არის. ეს არის აბსოლუტურად უუნარო, მოღალატეობრივი სულის ადამიანთა მავნებლური გაერთიანება, რომლებსაც ერთმანეთთანაც ვერ გაურკვევიათ რა უნდათ

რადიკალურ ოპოზიცია რა კონფიგურაციითაც არ უნდა წარდგეს მოსახლეობის თუ საერთაშორისო მეგობრობის წინაშე, მათი საქმე პოლიტიკურად ძალიან ცუდად არის. ეს არის აბსოლუტურად უუნარო, მოღალატეობრივი სულის ადამიანთა მავნებლური გაერთიანება, რომლებსაც ერთმანეთთანაც ვერ გაურკვევიათ რა უნდათ, როგორ ინდთ და როგორ წარმოუდგენიათ არა თუ სახელმწიფოს მმართველობა, არამედ ელემენტარული ადამიანებთან, - განაცხადა „დღის ქრონიკასთან“ გარემოს დაცვისა და ბუნებრივი რესურსების კომიტეტის თავმჯდომარემ მაია ბითაძემ.

მისი თქმით, მიუხედავად გარე ძალების მცდელობებისა, რომ ოპოზიციას პულსი ესინჯებოდეს, რადიკალების დღის წესრიგი დასრულებულია.

„არანაირი მნიშვნელობა არ აქვს ვინ რა დღის წესრიგს შეუქმნის ჩვენს ე.წ. რადიკალურ ოპოზიცია, მათი პოლიტიკური დღის წესრიგი უკვე დასრულებულია. რაც ძალიან სამწუხაროა რეალურად, რომ ვთქვათ, რომ ასეთი ოპოზიცია არსებობს ჩვენს ქვეყანაში. და სხვათა შორის, თუ აშშ-ის ხელმძღვანელობის ბოლო განცხადებებს მოვისმენთ, ძალიან მკაფიო იყო გზავნილი ჩვენი რადიკალების მიმართ იმასთან დაკავშირებით, რომ მათ უნდა აღესრულებინათ საქართველოს მოსახლეობის იმ ნაწილის ნება,რომლებმაც მათ ხმა მისცეს და საკმაოდ ბევრი მანდატი მიანიჭეს საქართველოს პარლამენტში მონაწილეობისთვის. ეს მკაფიო გზავნილი იყო მათთვის, რაც სავარაუდოდ არ მოეწონათ“, - განაცხადა მაია ბითაძემ.

მისი თქმით, რადიკალურად არის შეცვლილი საქართველოსადმი დამოკიდებულება ტრამპის ადმინისტრაციის მხრიდან, თუმცა აშშ-ის პოლიტიკურ პლატფორმაზეც არსებობენ ადამიანები, ვინც მოქმედებენ ჩვენი ქვეყნების წინააღმდეგ. მაია ბითაძის განცხადებით, მიუხედავად ამისა აშშ-დან პოზიტიური გზავნილები იძლევა იმის საფუძველს, რომ ორ ქვეყანას შორის სტრატეგიული პარტნიორობის აღდგენის მოლოდინი რეალური გახდეს.