მაიკლ ფონ დერ შულენბურგი: მცირე ზომის სახელმწიფოებს აქვთ ძალიან ბევრი შესაძლებლობა. თქვენ არ გაქვთ დიდი სახელმწიფოების მსგავსად დიდი სამხედრო რესურსი, ამიტომ გონიერებაა თქვენი იარაღი, დიპლომატია, კომპრომისი

მცირე ზომის სახელმწიფოებს აქვთ ძალიან ბევრი შესაძლებლობა. თქვენ არ გაქვთ დიდი სახელმწიფოების მსგავსად დიდი სამხედრო რესურსი, ამიტომ გონიერებაა თქვენი იარაღი, დიპლომატია, კომპრომისი, - განაცხადა გადაცემაში „იმედის კვირა“ ევროპარლამენტარმა მაიკლ ფონ დერ შულენბურგმა.

მაიკლ ფონ დერ შულენბურგმა ასევე აღნიშნა, რომ საქართველო ევროკავშირს ძალიან დიდი სიფრთხილით უნდა მოეკიდოს.

„ევროკავშირმა უნდა აღასრულოს სამი უმნიშვნელოვანესი მოცემულობა საქართველოსთან მოლაპარაკებებისთვის. პირველ რიგში პატივისცემით მოეპყროს საქართველოს, მეორე - უნდა მოგისმინონ და მესამე - უნდა გაითვალისწინონ, რომ საქართველო არც ლუქსემბურგია და არც გერმანია, მას განსხვავებული გამოწვევები აქვს. პატივი უნდა სცენ თქვენს სუვერენიტეტს, ეს კი პირველ რიგში ნიშნავს, რომ არ აქვთ უფლება, თქვენს შიდა საქმეებში ცხვირი ჩაყონ“, - აღნიშნა მაიკლ ფონ დერ შულენბურგმა.

ევროპარლამენტარმა ასევე ისაუბრა შედეგებზეც, რომელსაც საქართველომ პრაგმატული, სამშვიდობო პოლიტიკით მიაღწია.

„გადავხედე სახელმწიფოების ეკონომიკურ სტატისტიკას, 192 სახელმწიფოს შორის საქართველო მე-15 ადგილზეა, ბოლო რამდენიმე წლის განმავლობაში თქვენ ეკონომიკური განვითარების ტემპით 50 სახელმწიფოს აჯობეთ, ახლა კი, როდესაც გეწვიეთ, კიდევ უფრო ხელშესახები და მკაფიოა თქვენი წარმატება“, - განმარტა ფონ დერ შულენბურგმა.