მაკა ბოჭორიშვილი: ბოლო პერიოდში ევროკავშირის საგარეო ქმედებათა სამსახურის საქმიანობით უკმაყოფილება ბევრი მიმართულებით ისმის

ძალიან ხშირად, განსაკუთრებით ბოლო პერიოდში არის ამაზე წუხილები და საუბრები, რომ უფრო მეტს აკეთებს ბრიუსელი, ვიდრე ამის უფლებამოსილება აქვს მინიჭებული ევროკავშირის წევრი ქვეყნებისგან, - განაცხადა საგარეო საქმეთა მინისტრმა მაკა ბოჭორიშვილმა „დღის ქრონიკაში“ ევროკავშირზე საუბრისას.

მისივე თქმით, მეორე მხრივ, პროცესების მონაწილე არიან ევროკავშირის წევრი ქვეყნები და მათი საქმეა, თუ როგორ გადაანაწილებენ საქმეს, ევროკომისიასა და ევროკავშირის წევრ ქვეყნებს შორის თუ როგორი იქნება სუვერენული უფლებამოსილების ხაზები.

„რა თქმა უნდა, შიდა განხილვებია ევროკავშირში და ხშირად გვსმენია, თუ რა არის ევროკავშირის საგარეო საქმეთა სამსახური, როგორი უნდა იყოს ის და არსებობს თუ არა ზოგადად ევროკავშირის საგარეო პოლიტიკა და ეს არის ევროკავშირის, ანუ ბრიუსელის საქმე თუ წევრი ქვეყნების საქმე. ეს არის ძალიან ბევრი წლის განხილვის საგანი. ძალიან ხშირად, განსაკუთრებით ბოლო პერიოდში არის ამაზე წუხილები და საუბრები, რომ უფრო მეტს აკეთებს ბრიუსელი, ვიდრე მას ამის უფლებამოსილება აქვს ევროკავშირის წევრი ქვეყნებისგან მინიჭებული. მეორე მხრივ, ამ პროცესების მონაწილე არიან ევროკავშირის წევრი ქვეყნები და მათი საქმეა, თუ როგორ გადაანაწილებენ საქმეს, ევროკომისიასა და ევროკავშირის წევრ ქვეყნებს შორის თუ როგორი იქნება სუვერენული უფლებამოსილების ხაზები. ცხადია, რომ ბოლო პერიოდში ევროკავშირის საგარეო ქმედებათა სამსახურის საქმიანობით უკმაყოფილება ბევრი მიმართულებით ისმის, მათ შორის წევრი ქვეყნებიდანაც, ინსტიტუტებიდანაც და ვნახოთ, ეს არ არის ახალი პროცესი, მუდმივად ახასიათებს ბრიუსელს ასეთი განხილვები, თუმცა, რა თქმა უნდა, მეტი დამაჯერებლობისთვის უმჯობესი იქნებოდა, რომ საგარეო პოლიტიკაც იმ ჩარჩებში იყოს ნაწარმოები, რაც ჩარჩოებიც ევროკავშირის წევრ ქვეყნებს აქვთ განსაზღვრული და ძალიან მნიშვნელოვანია ესეც იყოს დაცული“, - აღნიშნა ბოჭორიშვილმა.